Running 燒 (Closed)

琴日一早喺旺角做完嘢，見差唔多食飯時間，即刻約埋附近做嘢嘅朋友一齊上嚟Running燒食韓燒😛呢度午市真係超值，$200唔使已經食到😜上菜速度都幾快，基本上想食嘅嘢都一定有得叫，雞翼牛扒，腸仔魷魚等等。整體食物質素都幾好，調味唔會過分單一，有啲就會用韓式辣醬，一啲就用黑椒，所以食落都唔會悶。除此之外，芝士生蠔都係令我覺得好有驚喜嘅，上面嘅芝士舖到滿晒，然後一路吼啲芝士一路半溶，實在太正啦！午餐嚟講，選擇咁多，環境又光猛舒服，真係食完都唔使食晚餐。