台站 (Closed)

經過荔枝角成日都見到呢間台站，主打台灣野食，但不設堂食，可能因為咁比較平，但係即使咁平人流都冇話特別多，今日lunch hour去附近既外賣餐廳都幾多人，唯獨呢間冇乜人，趕時間既我就決定入去買嘢食了。外賣買咗一個肉燥飯配雞扒，本身29蚊對佢期望已經不是十分大，但出到黎。。。出到黎個「雞扒」唔見咗，變咗三舊雞肉。。。雖然係29蚊，但都可以加少少誠意，唔使由雞扒變左雞粒。再講個”雞扒”唔知點解炸左，變左炸雞粒，甚至有啲懷疑係用左鹽酥雞代替左雞扒，我自己本身對炸嘢興趣不大，再加埋肉既份量太少，令人有啲失望。至於飯同肉燥都平平無奇，29蚊亦不要期望太大