伊甸 (Closed)

係YouTube揾吓觀塘有咩食嘅片，見到呢間餐廳好似幾吸引就去咗食。整體味道係唔錯嘅(´･ω･`)不過份量偏細份🍳寶島蛋餅配輕量沙律 $67(兩款配料+$10)餡料我哋揀咗吞拿魚同芝士，吞拿魚係水煮吞拿魚罐頭應該有加啲鹽同胡椒調味。本來以為係有加蛋黃醬嘅吞拿魚🐟芝士係四方形芝士片的味道。蛋餅皮係薄薄的，帶微微微微酥脆🤏沙律菜淋左芝麻沙律醬，沙律菜尚算新鮮。🍚EDEN 特盛台式雙餸套餐 附送涼拌小食 $89我揀左 台式香菇肉燥+珍珠白飯+鹽酥雞排+台灣腸(兩條)+紅豆仙草芋圓鹽酥雞排好奀(´･ω･`)味道係正常鹽酥雞嘅味道，新鮮炸起的，一塊雞排切開左做四件，不油膩，但雞排真係太細太薄了。香菇肉燥份量唔多，唔夠配飯食。肉燥係鹹鹹甜甜嘅味道，肉燥已經煮到唔會點食到肉碎嘅口感，另外唔係幾食到香菇味。台灣香腸以為會大條啲(´･ω･`)但佢喺一口大小。個形狀仲有啲似本來係一條俾佢切咗做兩條(´･ω･`)涼拌小食，原來係辣菜脯加醃蘿蔔。菜脯幾好食，甜甜辣辣的。醃蘿蔔偏酸，酸到有啲刺激喉嚨。紅豆仙草芋圓係好味嘅甜品(｡･ω･｡)唔會太甜，地瓜圓同芋圓煙靭。紅豆份量都多。仙草滑捋捋，味道甘甜。飲品