Video
Read full review
2022-07-07
82 views
收工後想舒緩壓力，酒和朋友真係不可缺少。今次就嚟咗旺角令和居酒屋。我叫咗餐廳自家釀製嘅梅酒，朋友就叫咗熱情果梳打，兩杯味道都唔錯。令和玉子燒，賣相非常靚仔，基本上係每台嘅必叫自選，亦都係打卡嘅好選擇。蟹子沙律，望落細細兜，食落份量到十足，味道正常。炸豆腐，原本想像中係冇醬汁，好似港式大排檔嗰種，好明顯我就唔夠了解日本文化，其實浸左醬汁，上面再放咗啲木魚。A4日本黑毛和牛加野菜豆腐籃，我哋揀咗壽喜燒湯底，佢比起一般嘅壽喜燒湯底更加甜，如果好好甜嘅都可以試一試。和牛方面偏肥，有啲邊邊位如果冇筋嘅話係好軟冧，幾有牛味。野菜比得都幾大方，會好飽肚。串燒方面我哋都叫咗好多唔同，有汁燒牛蒡、汁燒牛筋、鰻魚串、雞軟骨、白蔥豚肉串，咁多樣裏面，我覺得白蔥豚肉串比較出色。甜蝦刺身，味道正常， OK好食。和牛渣宰燒茄子，本身同朋友食嘅時候唔係好知上面嘅係乜嘢，原來係和牛肥膏炸出嚟嘅脆脆，好似豬油渣啲friend。我諗廚師係特登諗過特登平衡返下面較為清淡調味嘅茄子。食咗咁多咁多嘢食，其實都捧住個肚走，要講到今日VIP一定係銀鱈魚西京燒，問咗侍應，西京燒嘅意思係用白豆豉喺煮之前先醃咗個銀鱈魚，銀鱈魚本身好滑，
我叫咗餐廳自家釀製嘅梅酒，朋友就叫咗熱情果梳打，兩杯味道都唔錯。
令和玉子燒，賣相非常靚仔，基本上係每台嘅必叫自選，亦都係打卡嘅好選擇。
蟹子沙律，望落細細兜，食落份量到十足，味道正常。
炸豆腐，原本想像中係冇醬汁，好似港式大排檔嗰種，好明顯我就唔夠了解日本文化，其實浸左醬汁，上面再放咗啲木魚。
A4日本黑毛和牛加野菜豆腐籃，我哋揀咗壽喜燒湯底，佢比起一般嘅壽喜燒湯底更加甜，如果好好甜嘅都可以試一試。和牛方面偏肥，有啲邊邊位如果冇筋嘅話係好軟冧，幾有牛味。野菜比得都幾大方，會好飽肚。
串燒方面我哋都叫咗好多唔同，有汁燒牛蒡、汁燒牛筋、鰻魚串、雞軟骨、白蔥豚肉串，咁多樣裏面，我覺得白蔥豚肉串比較出色。
甜蝦刺身，味道正常， OK好食。
和牛渣宰燒茄子，本身同朋友食嘅時候唔係好知上面嘅係乜嘢，原來係和牛肥膏炸出嚟嘅脆脆，好似豬油渣啲friend。我諗廚師係特登諗過特登平衡返下面較為清淡調味嘅茄子。
食咗咁多咁多嘢食，其實都捧住個肚走，要講到今日VIP一定係銀鱈魚西京燒，問咗侍應，西京燒嘅意思係用白豆豉喺煮之前先醃咗個銀鱈魚，銀鱈魚本身好滑，個皮都好脆，所以整體係幾好食，亦都係咁多樣嘢食裏面我最鍾意嘅一道。
Post
