飯丸屋 (永華大廈) (Closed)

今日係西環哩間飯團專門店買左個外賣。店舖行日式風格，四周都係淺木色，旁邊有個細細既立食位置。哩到既飯團份量十足，即叫即製作，最平只係$28就有一個，性價比好高。而家只要出示醫護或救護證件，買任何飯糰🍙都會送蜂蜜檸檬一杯再加麻薯波波四粒💕餐牌👇🏻🍙炙燒明太子握飯糰 $34 加炸蝦🍤 $15專門店有八款指定飯團可以選擇，其實除左指定飯團，仲可以自己再額外加配，今次我就叫左炙燒明太子，再加配炸蝦。飯團份量十足，而且足料大份，內裏有酥脆既炸蝦，厚身既午餐肉同玉子燒，再加上明太子醬，味道咸香好食，配搭埋煙韌既米飯，真係相當唔錯。✨加$13可以加配飲品或小食✨加$20可以加配飲品及小食👈🏻我揀左🍛咖喱可樂餅如果小食見到可樂餅，我絕對係必點！哩個可樂餅炸皮超級薄，咬落去外脆內軟，咖喱味香濃，好食推介👍🏻🍵日式抹茶豆漿無諗過抹茶同豆漿可以放埋一齊，而且味道仲要咁夾，豆漿同抹茶既味道混合得剛好，而且甜度適中，非常好飲，推介👍🏻整體黎講，哩間飯團店既食物性價比好高，而且有好多分店，大家經過都可以試下。