新城潮州飯店

Open Now

Now Closed

九龍城除了出名食泰國菜外，其實潮州菜都是集中地，今晚同朋友去了食滷味。坐低無耐見店員攞著盤新鮮炸起的沙鑽及鳳尾魚，即刻叫了份嘗鮮。沙鑽肉質嫩滑，炸得外脆內軟，而鳳尾整條都很香脆，不過肉少，比較適合送酒。韮菜豬紅帶點辣香，豬紅滷得入味。滷水鵝滷得入味又唔會過咸，鵝肉有肉香亦帶鵝油脂甘香，肉質帶點咬口，十分juicy，下面用了豆腐墊底。蠔餅份量十足，有兩大件，即叫即炸，新鮮熱辣，蠔肉脹卜卜完全唔腥。食潮州菜必食的蠔仔粥，蠔肉份量多，還有些魷魚、方魚等等，味道鮮甜。元朗楊氏烏頭已經有黃油，肉質嫩滑甘香。最後一大個心型的糖醋麵，炸得香脆，加上醬汁十分開胃。