Cocina 3 Tapas Restaurant & Bar (Closed)

奧海城3期有間西班牙餐廳，門口有個精選套餐$688，有1個小食，2個餐湯，2個主菜和1個甜品份量都不錯就決定入去試，最後我們2人總結帳每人$404。餐湯幾滑同香，忌簾味都不錯有點感覺似薯仔蓉口感幾好飲，仲有片蔬菜乾令到個湯都幾靚。香煎蟹餅幾大片仲有少少菜沙律幾開胃，啖啖蟹肉配上西班牙的香料原來都幾特別。主菜西班牙海鮮飯，飯粒吸晒醬汁味不錯，粒粒都分明，海鮮都幾新鮮，沒想薄薄的都幾飽肚。喜歡吃豬所以叫了這個烤黑豚豬腩肉配香橙汁，豬腩肉燒得好香口，肉質軟熟，香橙汁好清新好岩食個菜。之前的份量不少，食完都已經好飽，最後上甜品是蘋果批和芝士蛋糕雪糕，不太甜，味道都正常，2人分剛好。這裡原來到星期日仲有薄餅供應，下次可以和其他朋友一齊再來試過。