Via Tokyo (Closed)

綠茶控嘅我見倒綠茶雪糕就心心眼😍😍😍 依間via tokyo出名食綠茶雪糕！以前得銅鑼灣先有，依家尖沙咀都有分店，而且大d位又多d，可以坐底慢慢吃！👍🏻 依杯滿月綠茶芭菲淨係賣相就夠吸引啦！大大杯好正呀！首先講下綠茶雪糕先，雪糕好軟滑，綠茶味濃帶小小綠茶嘅甘苦味，不過我就覺得略甜左小小。除左雪糕，依杯芭菲嘅配料都好豐富！有綠茶味蕨餅，蕨餅口感好煙韌而且上面沾滿綠茶粉有好濃嘅綠茶味！仲有白玉丸子，口感好彈牙，撈住綠茶雪糕食味道一流！下一層係焦糖脆米，口感好脆又香口，一啖脆米一啖軟滑雪糕，口感豐富！然後再下面係焙茶啫哩，綠茶啫哩，牛奶雪糕，玄米茶啫哩，每一層味道都唔同，啫哩感覺較清新解膩，味道清甜！成個配搭好有層次感令人好滿足呀！