L.D.K. by Ufufu Café (新城市廣場) (Closed)

同朋友去新城市廣場買嘢，記起朋友就快生日，於是請她食飯。一向喜愛日本菜的我們不約而同揀左呢間餐廳。我點左一份三色丼，朋友點左一份鰻魚蛋包飯。三色丼：好可愛，三小碗，每碗都是上面是餸，下面有飯。燒肉丼、吞拿魚蓉丼、帶子三文魚籽丼。份量好適合我們女仔，不多不少，啱啱好夠飽。鰻魚蛋包飯：原條鰻魚好吸引，朋友話鰻魚肉好滑好淋，蛋包也非常嫩滑，配上絲絲紫菜，每一啖都有多層次口感，底部的白飯吸收了鰻魚同蛋的醬汁，好入味。