湘聚小廚

Open Now

Now Closed

今日突然好想食酸菜魚，所以喺男朋友屋企附近揾左最近嘅湘菜。去到餐廳人流都幾多，不過好彩唔洗等位。我地叫左兩個餸加兩個飯，冇諗過份量超級多，兩個餸都好大份，應該4個人都夠食。蟲草花蒸雞好多雞，都食到有蟲草，不過整體偏咸，似豉油雞多啲，送飯好啲。椒香酸菜魚本身期待已久，不過食落覺得好失望。魚嘅份量係好多，我地兩個人食左一大半，又裝走左滿滿兩大盒。不過魚真心多骨，食到冇心機食。可能餐廳正宗酸菜魚，所以酸菜好多，蓋哂魚味，好酸而辣味唔多，啲辣椒似裝飾多啲。最後兩個人食左300幾蚊，以食物份量嚟講唔算貴，不過酸菜魚真心有啲失望，應該唔會再去食。