喜鍋 海鮮‧火鍋‧小廚 (Closed)

🔺 喜鍋 海鮮‧火鍋‧小廚 (旺角)朋友話呢間火鍋d 海鮮同食材都好新鮮～順路黎到旺角同老公撐枱腳打個2人邊爐食到好飽好滿足，而且仲有好多唔同既優惠🤗🤗🔻鮮果椰青雞鍋（半隻$188)好新穎嘅雞鍋入邊有好多蔬果例如火龍果，蘋果，紅蘿蔔，椰青肉，當然唔少得好重要嘅椰青水，成煲香噴噴椰子味🥰圖入面係半隻雞嘅份量，份量都好多同埋好大件～啲雞好嫩滑一啲都唔鞋，食完碟雞都飽咗一半😂🔻鴛鴦墨魚油炸鬼（$78)有三件黑松露，三件蟹籽，每條油炸鬼都有少量墨魚滑，食落香脆有咬口，上枱熱辣辣好滋味😋😋黑松露味仲好香tim~🔻安格斯四品盛牛天梯（$298)入面有4款不同位置，有牛展，牛脷托，安格斯牛頸脊，安格斯肥牛粒。呢個份量完全足夠2-3人食用，份量超多！牛頸脊同肥牛粒都好出色，牛味好重，有咬口但又一啲都唔un~🔻磯煮鮑魚（每人一隻優惠價$18.8)超抵食！鮑魚煮得好淋好入味，好有驚喜，食完想再食多隻，原價都係$38隻都好抵食😋總結：呢到d 員工個個都好有善，仲會細心同你講解😊呢到位唔算多，我平日黎都爆場，建議大家book 定枱就穩陣啦～