八方台式麵屋 (九龍城廣場)

Open Now

Now Closed

少少公事搭新開嘅屯馬線去左九龍城，確係比以前方便好多。d食店真係多得佢唔少，多左好多生意。我費事同人迫，走左入九龍城廣場揾野食，見倒呢間八方麵屋d裝修好通透，於是乎就宗左入去。店外及點餐處都好多餐牌介紹有乜野食。店內主要是活動膠椅同枱，舒適就講唔上喇，基本野咁喇，都唔預d客會坐得耐。餐紙喺枱上，俾客tick tick tick我叫左個套餐，係鍋貼+麵線+飲品。好快d鍋貼嚟左。嘩，十隻兼夾大大隻，份量驚人，d小姐可能食唔晒。。我落d醋落去，再夾一隻落口。熱度夠，幾新鮮，d餡都好清爽及有料，算係幾好食。食完十隻，飽左9成。好在呢碗麵線唔算大碗，否則真係食唔晒。我覺得呢碗麵線既製作同d食材都算OK嘅，但係d湯就稀左d。最後飲埋呢杯綠茶。杯茶都幾好飲，但d糖唔勻循，有d甜，有d淡。店方應該搖匀至攞俾d客，或者提示d客要搖匀至飲。飲飲吓個膊頭突然涼涼地嘅，原來上面d冷氣出口大大滴水滴左落件衫度，印象分扣左d囉，滴落d野食度咪敝，要維修吓喇。以48蚊食兩樣野加杯飲品，算係幾抵嘅。d侍應同個cashier嘅服務都恰如其分喇，可惜少左d笑容，可能與工作量有關。