Video
Read full review
2018-07-18
427 views
閒日夜晚8點半去朗豪坊搵野食，原本諗住食八月軒，貪佢用AE白金卡星期一至四2個人6點後食飯主餐牌有半價，申請左兩年比足兩年年費都好少用，去開旺角就去享用下優惠，點知咁晏仲要等8張枱，所以轉移左去13樓依間餐廳。其實年幾前都食過一次，食過德國腸、German style 小粉團等都記得味道一般，但係因為口痕想食下炸薯條、creamy野同「唔洗等位」所以又黎過。今次叫做健康返dd嗌左份<German style 鮮果沙律>、<German style 小粉團>（忍唔住又嗌）<黑松露薯條>同Tiramisu 。沙律同薯條好快到，<黑松露薯條>暖暖地、唔脆、唔香、芝士味同黑松露味都欠奉☹️，當時仲比左個藉口佢：可能因為兜亂，即係黑松露同芝士撈哂入薯條度先上碟，所以算吧。 <鮮果沙律>有好幾種生果：青蘋果、啤梨、無花果、橙、提子等等，每樣兩三粒咁，仲有少少芝士同合桃，$98比個人refresh一下都還可以啦，不過老實生果就唔多新鮮，橙更加係有陣變左嘅味，明顯係切定嘅... 之後上埋<小粉團>，份量好
其實年幾前都食過一次，食過德國腸、German style 小粉團等都記得味道一般，但係因為口痕想食下炸薯條、creamy野同「唔洗等位」所以又黎過。
今次叫做健康返dd嗌左份<German style 鮮果沙律>、<German style 小粉團>（忍唔住又嗌）<黑松露薯條>同Tiramisu 。
沙律同薯條好快到，<黑松露薯條>暖暖地、唔脆、唔香、芝士味同黑松露味都欠奉☹️，當時仲比左個藉口佢：可能因為兜亂，即係黑松露同芝士撈哂入薯條度先上碟，所以算吧。
<鮮果沙律>有好幾種生果：青蘋果、啤梨、無花果、橙、提子等等，每樣兩三粒咁，仲有少少芝士同合桃，$98比個人refresh一下都還可以啦，不過老實生果就唔多新鮮，橙更加係有陣變左嘅味，明顯係切定嘅...
之後上埋<小粉團>，份量好大，好足cream 同芝士，有煙肉干同少少磨菇，啱哂我地兩個唔cream唔食嘅人😂，入口係ok 嘅，不過真係食一份都膩了，兩個人食真心唔建議嗌...結果剩左半碟，男友叫我打包做聽日lunch, 都好嘅唔好浪費啦，陣間仲想食埋個Tiramisu, 雖然鑊底有大量嘅油墊住😅⋯⋯
問個侍應拎左個外賣盒，男友好好心機咁裝好，仲放左十幾條薯條入去，當我仲話緊佢
「會唔會太heavy呀聽日個lunch, 薯條叮左邊好食架，索油就有份」之制，另一個侍應走埋黎話用AE找數有折的話就「食剩左唔可以外帶」！我話咁咪好浪費，佢竟然答我「唔怕！我地有廚餘」下！？咩叫有廚餘唔怕？唔止迫人浪費食物，又浪費左一個外賣盒...佢話好多人利用半價優惠嗌好多野打包喎，所以新條款列明食剩都唔可以外帶！咩道理？
不過係我地衰冇睇清楚條款嘅，餐廳話唔可以睇情況做事都算，但我覺得餐廳侍應態度可以好少少，唔係一味同客人鬥講野，客人都未講完野就bilibala講講講，務求要打斷你講野，都唔比機會你講野，其實你幾唔想聽都聽下客人意見先啦🙄⋯⋯最好笑係佢同我講如果OpenRice coupon 就有買一送一主菜優惠，咁用coupon嘅食唔哂又可唔可以打包呢😠？
結果盒野食就咁比佢收左，Tiramisu 我都cut埋，冇mood食😣⋯⋯
結論，其實d野食一般般，如果唔係因為比左兩千幾銀年費有半價優惠都唔會幫襯依間，之後都唔會再黎，就係咁。
Germany style -鮮果沙律 &黑松露薯條
15 views
0 likes
0 comments
9 views
0 likes
0 comments
18 views
0 likes
0 comments
Post
