韓正屋韓國料理 (海壩街)

Open Now

Now Closed

去開荃灣同朋友交收，食埋晚飯先返屋企，朋友介紹食呢間韓式家庭料，佢話大份夾抵食。天氣太熱，朋友叫個韓式蕎麥水冷麵，湯底酸酸涼涼，令人開胃，d麵仲爽口彈牙，唔係痴埋一舊，自己係屋企整永遠整唔到呢個口感。食韓國菜，點少得牛肉石鍋拌飯，石鍋拌飯一上枱滋滋聲，仲整到飯焦，脆トト好正，撈埋多種菜嘅配料，口感好豐富。食個鐵板燒牛肋骨肉都好味，燒到好香，好juicy有油份但肉質不會過份油膩，好味。我自己因為想食辣，所以叫咗個辣豆腐湯，好多料同醒胃，佢跟埋個飯俾你。整體味道好滿意，份量大大份，又美味，超抵食，大食積嘅我地唔怕食唔飽呀。