新森林焗之專門店 (威靈頓街)

Open Now

Now Closed

為慶祝今日提早開完會，去食個焗飯先。去左新森林焗之專門店中環威靈頓店。同阿菇每人一個餐，芝士焗海鮮豬扒鴛鴦飯，另一係黑椒牛仔骨芝士焗飯。份量大，價錢平，因為平均消費只食主食只需$65。黑椒牛仔骨焗飯上枱夠熱，焗飯好難唔熱。重口味之選，阿菇形容芝士多，醬汁亦多黑椒汁杰身同味道平平，牛仔骨乾身，飯亦硬。芝士焗海鮮豬扒鴛鴦飯醬汁多，冇汁不歡的人有福了，雖然魚柳上鋪滿白汁，但魚柳冇味，只係個白汁有味。飯算香口，另一邊的蕃茄豬扒比魚柳好。凍飲加$3，冇加一。