酷廚 (Closed)

因為呢排多咗喺荔枝角活動，所以都會係附近食吓午餐，今日就嚟咗呢度。飯嘅生熟程度適中，粒粒分明。菇味不太突出，感覺是分開煮所以飯還飯，菇還菇，無乜配合嘅感覺。火腿同樣。薯蓉係唔錯的，但$89得一塊薄雞扒，一啲都唔覺得係午餐份量。雞扒煎得唔夠香，入面太淋身，似滾水煮熟先再煎嘅感覺。跟餐有熱飲送，一杯係紅棗茶，一杯係柚子蜜，正正常常。總結嚟講，個人覺得價錢偏貴，而且雞扒嘅餐份量太太太少了，食品味道一般。希望將來會有改善。