一木小料理 (Closed)

#dinner #灣仔成日去灣仔食飯都會經過呢間餐廳，因為幾近利東街個地鐵站，一直都覺得好似好文青幾吸引想試ʕ •ᴥ•ʔ不過店外啲告示好confusing，都唔知佢幾點開門又唔知啲餐牌係外賣定堂食。有一日撞正佢終於有開門，就叫咗兩個餐：先付：明太子玉子燒🥚前菜竟然變咗甜品，食完晒飯先嚟到(^_^;) 不過撇除呢樣嚟講係全餐飯最好食嘅item，明太子好足料，少少辣配玉子燒幾好食。野菜：茄子田樂燒🍆、紅菜頭紫芋薯餅🍠茄子嚟到好熱燙口，通常菜色太熱都唔係問題，等吓冇咁熱咪食得囉，問題係主菜份量太少，食完都好肚餓(又係遲上過主菜)，已經冇晒心機等呢兩條仔茄子( ；´Д｀)味道嚟講ok啦應該算呢餐第二好食。個薯餅都係一般啦ok嘅。逸品：日式咖哩牛肉🍛、柚子豚肉🐷味道尚可，柚子豚肉都幾好食，不過份量實在太少，得幾片肉加一大舊紅蘿蔔，平時食得少嘅女士都覺得唔夠飽。成百蚊仲要加一，如果個日想食light啲嘅話都ok嘅，肚餓嘅話都唔緊要，過一條街仲有好多嘢食可以食多餐。