Read full review
2022-07-12
59 views
僕之拉麵(18/6) 星期六 中午12:15特式:呢間拉麵店係以吸引食肉獸作招來,而家定期都會有d期間限定拉麵,今次期間限定就係海老拉麵,對鐘意食蝦既我嚟講就一定唔會錯過。食物:海老愛食者拉麵 - 先講麵底,麵有小麥香味,麵質可因應自己喜好揀軟硬度;湯底有好濃蝦味,感覺就好似飲緊西餐個d龍蝦湯咁;蝦就有7隻,都大隻新鮮同爽口,有一半會做輕微炙燒效果,好香口;蝦頭就有4~5個,都有做到炙燒效果,可以成個頭都食埋;其他配料有櫻花蝦/筍/糖心蛋/日本蔥,屬中上水平。肉愛食者拉麵- 叫得呢個名就一定係好多肉啦,佢d叉燒好淋身又唔肥膩,但炙燒叉燒粒就有d硬同un。飲品 - 似日本拉麵店有自助冰水提供。環境:餐廳環境正常,就同正常日本拉麵店咁既設計,旺角店就比較迫同多人,佐敦店就會少人好多。服務:服務態度正常,但佐敦店可能真係少客d,d職員會多d笑容同埋會同你講下野。價錢:大約100~140碗麵。總結:呢間店既拉麵我本身都已經唔係第一次食,佢旺角/佐敦店我都有去食過,見佢今次做呢個海老拉麵絕對係吸引到鐘意食蝦既我,但佢只限旺角店有售,而且每日只限售15碗,所以要一開門就去食先會食到,我當時12:1
(18/6) 星期六 中午12:15
特式:呢間拉麵店係以吸引食肉獸作招來,而家定期都會有d期間限定拉麵,今次期間限定就係海老拉麵,對鐘意食蝦既我嚟講就一定唔會錯過。
食物:
海老愛食者拉麵 - 先講麵底,麵有小麥香味,麵質可因應自己喜好揀軟硬度;湯底有好濃蝦味,感覺就好似飲緊西餐個d龍蝦湯咁;蝦就有7隻,都大隻新鮮同爽口,有一半會做輕微炙燒效果,好香口;蝦頭就有4~5個,都有做到炙燒效果,可以成個頭都食埋;其他配料有櫻花蝦/筍/糖心蛋/日本蔥,屬中上水平。
肉愛食者拉麵- 叫得呢個名就一定係好多肉啦,佢d叉燒好淋身又唔肥膩,但炙燒叉燒粒就有d硬同un。
飲品 - 似日本拉麵店有自助冰水提供。
環境:餐廳環境正常,就同正常日本拉麵店咁既設計,旺角店就比較迫同多人,佐敦店就會少人好多。
服務:服務態度正常,但佐敦店可能真係少客d,d職員會多d笑容同埋會同你講下野。
價錢:大約100~140碗麵。
總結:呢間店既拉麵我本身都已經唔係第一次食,佢旺角/佐敦店我都有去食過,見佢今次做呢個海老拉麵絕對係吸引到鐘意食蝦既我,但佢只限旺角店有售,而且每日只限售15碗,所以要一開門就去食先會食到,我當時12:15到,大約12:40已經聽到話賣晒了,鐘意食蝦既朋友,我絕對建議一試。
海老愛食者拉麵
$148
4 views
0 likes
0 comments
海老愛食者拉麵
$148
7 views
0 likes
0 comments
肉食愛食者拉麵
4 views
0 likes
0 comments
Post