山城小麵 (形點 I)

Open Now

Now Closed

睇住個餐牌見到人人都嗌套餐，我就跟風嗌咗個一人套餐。個套餐係包咗你一碗麵+1個小食仲有飲品送添， CP值都幾高。咁我就揀咗手撕雞，重慶酸辣粉，同無糖可樂。冇幾耐就有嘢食啦，個手撕雞加埋青瓜仲有啲酸酸辣辣嘅汁好開胃，亦都幾好食，係呢個套餐入邊最好食嘅。重慶酸辣粉不過不失，但份量實在太多嘅關係，我食咗三份一竟然飽咗啦，跟住坐喺度戰鬥咗好耐都食唔落，最後啲紅薯粉仲林晒，一夾就散，喺度提醒下如果閣下係女仔食量又不多嘅話，不妨可以嗌少粉。