麥奀雲吞麵世家 (海港城)

Open Now

Now Closed

一間比較出名嘅香港雲吞麵店，標示用左大地魚熬湯底，所以都好期待黎試。.整體覺得幼麵夠爽口，質感唔錯有咬口又唔會好大陣鹼水味👍🏽不過份量真係好少，正餐嘅話要食2碗先夠飽😅味道就真係好淡，大地魚湯麻麻，牛腩湯就可以，覺得佢無乜味精成份，清清地食完一啲都無口渴👍🏽👌🏽雲吞麵：湯底顏色比較深，但係無乜食到大地魚味亦都唔鮮甜。雲吞方面，雲吞皮夠簿夠爽口，雲吞餡只有幾隻細細嘅鮮蝦，蝦肉爽脆但無乜鮮甜味。整體食落去覺得幾淡口，無乜味。👍🏽牛腩麵：清甜嘅牛腩汁湯底，味道唔太濃，清清地有牛香味又唔會太鹹。有大約3件牛腩連白膜、2件牛筋，牛腩淨瘦肉所以比較瘦同鞋、唔夠腍，牛筋就夠腍又好食，一件好腍滑，一件有啲咬口仲痴住小小腩肉。相對黎講，牛腩麵真係好食好多，整體都ok只係比較淡口。