Video
Read full review
2009-03-21
18 views
尋晚(21-3-2009 Sat)同男友,男友人LKW一家四口,男友人J,女友人H同佢老公一行九人,約o黎呢o度食晚飯,o係等人期間,侍應一直催我o地落單(但都好聲好氣o既),建議我o地要個8至10人餐,我話想要山東燒雞(因有朋友推介),佢話可以將炒海蜇頭改o左佢,亦唔使加錢($70.00),啊,咁我o地就叫呢個$1,580.00o既餐啦.不久,就上菜喇.1.山東燒雞都唔細碟,有蒜汁伴上,我蘸o黎食,蒜味唔重,而就算唔蘸汁都好食,雞肉夠滑,個個都讚.2.醬蹄素鵝呢個好突出,素鵝出奇地好食,因佢本身已經好入味,唔似其他o既素菜咁,只有腐皮味.而醬蹄亦唔錯,蘸埋微辣o既蒜汁更好味,推介.3.賽螃蟹侍應幫我o地撈好,食落,今次好味啲喎.蛋白滑滑又夠味.4.砂窩雞飽翅好足料呀!有雞,有好多翅,筍,金華火腿同菜.湯好清甜.而個飽好大個,可惜凍o左,裡面就係一糰冇味o既粉.5.北京填鴨鴨已經唔熱lu,不過唔漏,OK o既.6.松鼠桂魚味道唔太濃,男友話酸甜味適中,魚都炸得脆,唔錯.7.錦繡蝦仁腰果脆,呢個味道冇問題,有好多蝦仁,都係足料.8.冬菇鮮蘆筍蘆筍新鮮,呢個好好味.9.鮮肉水餃一咬開,有肉
1.山東燒雞
都唔細碟,有蒜汁伴上,我蘸o黎食,蒜味唔重,而就算唔蘸汁都好食,雞肉夠滑,個個都讚.
2.醬蹄素鵝
呢個好突出,素鵝出奇地好食,因佢本身已經好入味,唔似其他o既素菜咁,只有腐皮味.而醬蹄亦唔錯,蘸埋微辣o既蒜汁更好味,推介.
3.賽螃蟹
侍應幫我o地撈好,食落,今次好味啲喎.蛋白滑滑又夠味.
4.砂窩雞飽翅
好足料呀!有雞,有好多翅,筍,金華火腿同菜.湯好清甜.而個飽好大個,可惜凍o左,裡面就係一糰冇味o既粉.
5.北京填鴨
鴨已經唔熱lu,不過唔漏,OK o既.
6.松鼠桂魚
味道唔太濃,男友話酸甜味適中,魚都炸得脆,唔錯.
7.錦繡蝦仁
腰果脆,呢個味道冇問題,有好多蝦仁,都係足料.
8.冬菇鮮蘆筍
蘆筍新鮮,呢個好好味.
9.鮮肉水餃
一咬開,有肉汁流出,呢個味道都好大路,又係冇問題.
10.高力豆沙
今次沙糖唔係太多,暖暖的,豆沙餡唔係好多,呢個唔太甜,OK.
服務:
依然係催人,不過態度冇乜問題,到最後我o地食唔切時,侍應都叫我o地慢慢,哈哈.
環境:
依然係咁迫,但仍好熱鬧,全場full.
衛生:
有個侍應捧賽螃蟹時,唔小心倒o左一啲o係地上,佢就企定定o係o個個位,唔傳菜住,叫人幫手,直至有個人拎紙巾o黎,佢親手抺乾淨至做其他o野.
Post
