波羅密素食 (Closed)

今日約左朋友去食生日飯，之前訂左位，但係去到俾左張6人檯我地8個人坐，非常之迫，我見其他檯都係坐到好迫。坐低之後，同佢我地講話要限時食還檯，但係之前訂檯同埋reconfirm booking 既時候都無講過。之後睇下餐牌點菜，我地唔想揀母親節套餐，但係睇下散叫餐牌一般都要$118一碟，係呢個地區同埋呢個級數既餐廳黎講算係偏貴。算啦，俾個機會試下你地食物好唔好食，叫左9個餸試下。D餸黎到之後極之失望，份量極之少，仲要味道十分一般，無一個餸好食。老實講，食完之後完全唔飽，之後仲要去食野。芋頭魚 - 無芋頭味，炸得太乾蒸勝瓜 - 無鮮味，只靠鼓油調味士多啤梨骨 - 炸得太乾，醬汁過酸素翅 - 淡而無味，調味不足之後埋單，個侍應拎張信用卡單俾我地簽，簽完之後，佢竟然拎埋張咭同d單走左去....要我地問個經理先俾返我地。我俾二百幾蚊一個人食d咁既野，又唔飽，坐得又迫，仲要咁既服務，不會再次光顧。