王媽媽車仔麵 (Closed)

呢間王媽媽新開果時好鐘意黎食，貪佢夠平環境又夠乾淨，而且附近少啲車仔麵店但近排啲份量好似愈黎愈少，有時想幫襯都唔得Lunch食呢間真係好方便，豐儉由人，而且好快手，叫滿四個小食就送一杯綠茶今次叫左三個送，豬手、咖哩魷魚同芽菜老實說佢既味道係唔錯，仲可以免費加咖哩汁或腩汁，重口味人士一定至愛但係每個餸既份量太少！芽菜$8只係得幾條仔！連譚仔送既芽菜都多過佢雖然價錢唔貴，但比左錢叫芽菜最後少到夾唔到黎食都好失望另一個我鐘意呢度既原因係佢個青瓜！好香蒜味，$15都算好抵食！值得推介！份量咁少真係吸引力大減，所以下次黎可能當下午茶，少少地飽下口腹之慾就算啦