東喜茶 (Closed)

前排去咗屯門行街，諗諗下都好耐無去過華都商場。經過呢間東喜茶，好快比佢店鋪擺設吸引咗，一場嚟到，就決定買杯飲品試吓。凍芝士金鳳茶王 $22呢個價錢而言，飲品份量其實偏少，大概只有一隻手掌咁大。茶底味道偏淡，飲落幾清新，但未至於好濃郁。值得一讚嘅係頂層芝士奶蓋好厚身，更撒上點點抹茶粉作點綴。質感濃稠，芝士鹹香都算幾突出。整體嚟講，性價比唔算好高。不過本身係諗住支持吓，印象中店鋪仲貼咗唔同地區嘅宣傳海報，好靚又好有心思，有興趣嘅朋友都可以去幫襯吓。