十二味 (和富)

Open Now

Now Closed

行開北角去搵食，又想試下呢間酸菜魚，偏早時段食晚飯，唔需要等位。入到店，感覺不太舒服，坐位OK，係啲燈色有點不令人自在感覺。點餐係用智能電話掃個QR CODE，無MENU可參考，阿姐姐姨姨唔SERVE你咁濟。點咗酸菜魚、炒四季豆、炒椰菜花、乾蔥拌麵。酸菜魚大大盤，但侍應姐姐端上枱，唔太覺有香氣。魚片量多，亦有1/3隻手掌大小，偏厚切。酸菜係好好好多，唔使再加點都夠，入湯後，味道啖身，無咁酸味濃，仍保持爽口咬感~ 可能厚切魚片原因，入口小小鞋唔算滑溜溜，有保留。雜菇片都好多，亦都係爽身。最開心係有大量萵筍片，令到成盤魚色彩豐富咗，亦都有多咗咬感，每片都係好爽脆，正啊喂！炒四季豆豆未好乾身，但味道剛好，唔辣亦無濃咸味，份量亦都多的。雖然唔食得辣，但如果有得選擇少辣，過到個口癮，應該係好正了! 炒椰菜花好好好油，偏咸。腩肉片，炒到少少少脆口韌身多，並無入口溶化感覺，有啲鞋鞋。好彩嘅係個菜無炒到腍晒入晒水，否則就係原碟零分。乾蔥拌麵色澤濃，香味不夠。入口味道少淡口，但係個人都OK，唔好太濃油張住個口。乾蔥有小小一棵，都還好嘅。二人SHARE啱啱好。整體OK，唔是難吃的，但個人嚟講，一次便夠。