牛歡洛潮洲粉麵

Open Now

Now Closed

晚餐想食啲粉面，米線食左幾餐有啲悶，就搵吓附近有乜潮式河粉，外賣平台上都冇乜太多選擇。order左一碗淨紫菜四寶，再加炸魚皮。紫菜四寶好大碗，四寶係雲吞、魚皮餃、兩大塊類似扎肉、同埋豬肉丸，除咗紫菜之外仲加咗啲生菜，唔食粉面都夠飽，味道就一般啦，唔知係唔係外賣浸得耐個湯有啲鹹。包炸魚皮有驚喜喎，$19但超大包，我諗等如出面一碟魚皮嘅雙倍份量，而且都脆好香口，我一餐食唔晒擺到第二日都仲係脆嘅。都抵食嘅，下次想試佢啲牛腩。