晴の居酒屋 (Under Renovation)

文英街食肆都好多，今日想食日本嘢，遠遠就見到晴の居酒屋門口掛住紅色燈籠，一入到去幅富士山畫最搶眼，裝修以木系為主，牆上貼滿日本卡通漫畫，一休和尚、小雲、龍珠、海賊王都有，響起Slam Dunk主題曲，充滿那些年代嘅青春氣息，佈置陳設都充滿日本風情，好似去咗日本居酒屋一樣。望到餐牌樣樣都想試，但兩個人又叫唔到咁多款。「二人前 晴の御宴」就啱晒，前菜、沙律、刺身、炸物、燒物、烏冬、甜品樣樣都有齊，就可以一次過試晒多款日式料理。店員親切有禮貌，仲細心介紹食物。◉二人前 晴の御宴 $588QRcode 落單，一上枱賣相勁靚，啱晒打咭，一定係相機食先，份量十足，二人都食到好飽。❀什錦魚生丼三文魚肥美、吞拿魚赤身口感綿密、深海池魚勁鮮甜、吞拿魚蓉、三文魚子，樣樣新鮮，配黃蘿蔔、青瓜丼飯，份量都多。❀吞拿魚蓉反卷 4件足料吞拿魚蓉口感綿滑，反卷混入芝麻更香。❀牛膀醬油漬 4條牛膀爽脆，醬油味濃郁入味，但唔鹹，入口味道回甘，細細條，好鍾意呢個開胃前菜。❀燒大虎蝦 2隻大隻虎蝦用鹽燒，燒出嚟十分香，蝦殼脆卜卜，蝦肉爽口彈口。❀唐揚雞件 2件去親居酒屋都好鍾意點嘅其中一種，送啤酒汽水一流，脆漿炸得金黃鬆脆