觀自在素食 (Closed)

由第一次黎到變咗常客，原因係，而家已經好難搵到一間素食店可以食傳統齋，但又係咁企理。呢度主要食套餐，二人餐$126: 兩款小菜+素湯（轉紅燒翅每位+20）四人餐$416: 四款小菜+素湯（轉紅燒翅每位+20 ）紅燒次我自己冇試過，因為佢每日有唔同款式嘅素湯，每款都好好飲，所以每次最後都係揀咗要湯齋滷味散叫$48又大碟又美味粉絲什菜煲五柳仙班，極力推介真係做到鬆香酥軟，每次都會order菜遠牛肉麵呢個麻麻蟲草花浸菜苗份量勁多干炒烏冬用廉價烏冬，睇到個樣嘅時候其實唔想食，但係見隔離嗰個係咁食，就試吓。一試出奇地好味最後食咗兩碗。雪菜三絲炆米呢款又要推介炆得軟硬適中，仲好入味同媽咪慶生雖然枱凳好密，但素食店嘅客人，同酒樓唔同，都係比較斯文，所以晚餐時間都唔會覺得好嘈。侍應個個都親切有禮，仲充滿笑容。食物味道非常好，分量亦好多。埋單每人都係百多元，價廉物美。