腸粉皇

Open Now

Now Closed

臨別在即, 小食當然唔可以放過啦, 加上早一排師傅一到下午茶時段就非常肚餓, 所以一離開監房, 第一時間就過黎呢度食番兩串啦! 行到埋去, 例牌嗰兩樣, 腸粉加燒賣, 十二蚊兩食; 腸粉非常滑身, 口感絕佳, 加上混醬份量洽到好處, 豉油唔會過咸, 麻醬夠香, 真係勁香勁好味; 而燒賣都幾靚, 有魚肉味, 又唔會太韌咬唔到咁, 一串有五粒, 都算好味抵食呀!總括黎講呢度腸粉質素真係好好味, 企街嘅感覺又真係好過癮喎; 不過可惜再黎機會唔大, 唔係因為食物唔掂, 而係師傅將會絕跡此區, 還望呢間食店能吸引師傅再度光顧啦, 笑臉點走得甩!