金滬庭京川滬菜館 (Closed)

今日同朋友行完東涌，搵食之際，發覺好多鋪頭都已經滿座兼大排長龍。但呢間鋪頭可即時入座，個心已經諗，會唔會中伏呢！不過心口有個勇字，都要試！結果第一伏：酸辣湯：唔酸又唔辣！真係第一次飲咁難飲嘅酸辣湯。第二伏：黑醋排骨：完全唔係黑醋的味道！而所謂嘅排骨，舊舊唔係肥豬肉就係豬肉（根本不是排骨），成碟嘢同黑醋排骨四個字好似冇乜關係咁。第三伏：加一服務費我聽得多；但係加12%服務費都真係第一次（可能小妹見識少）。呢間鋪頭位於東涌的大型商場內，而且聲稱自己係京川滬菜館，一定有好多遊客幫襯；唔通只做一次遊客生意，不希望有回頭客？！