Video
Read full review
2024-07-16
6714 views
2000年代初經常食韓國野，去金巴利街清溪川最多，生鍋係一絕。果時無論食乜，每間果6-8既小碟（包括泡菜）係必然，之後韓風襲港，越嚟越多韓國餐廳，亦越做越求其（簡化），就算棟幾多個韓國人（定大陸東北果既朝鮮族中國人）駐場做佈景板，都冇關係香港人曾經經常去南韓，小弟都去過不下六次，咩味道係正宗已經冇乜咁神秘疫情加經濟，而家韓國菜算好靜，三三呢個時候來開新店，好勇敢咁呢間三三如何？結論寫係前面：最冇韓國味道並十分平庸既食店埋枱就見到已經放左用普通碟仔（非韓式餐具）載左些少泡菜同蘿蔔粒，感覺非常可悲叫左$400「辣味土豆脊骨湯」，已經煮好放係火鍋爐上燒住食，跟幾片菜。基本上就係蕃茄薯仔豬骨，唔知佢有冇落蕃茄，但個湯煲極都好清淡，近乎冇辣可言，唔濃郁，相當乏味，無韓風可言。骨係燒過既，肉可以夾得開，不過絕非甩出嚟，唔冧，更非入口即溶，已經唔在乎佢有幾多舊。好在睇定先，冇嗌火鍋料$100「香煎韓豚肉片」，英文Korean Pork Thin Pancake，根本唔同意思，好在餐牌有張相，基本上英文比較準確。可惜上台碟野冇任何相片所見既配菜，只係一碟豬肉煎蛋，仲要非常老、乾，亦唔熱（煎完放係一邊等
香港人曾經經常去南韓，小弟都去過不下六次，咩味道係正宗已經冇乜咁神秘
疫情加經濟，而家韓國菜算好靜，三三呢個時候來開新店，好勇敢
咁呢間三三如何？結論寫係前面：最冇韓國味道並十分平庸既食店
埋枱就見到已經放左用普通碟仔（非韓式餐具）載左些少泡菜同蘿蔔粒，感覺非常可悲
叫左$400「辣味土豆脊骨湯」，已經煮好放係火鍋爐上燒住食，跟幾片菜。基本上就係蕃茄薯仔豬骨，唔知佢有冇落蕃茄，但個湯煲極都好清淡，近乎冇辣可言，唔濃郁，相當乏味，無韓風可言。骨係燒過既，肉可以夾得開，不過絕非甩出嚟，唔冧，更非入口即溶，已經唔在乎佢有幾多舊。好在睇定先，冇嗌火鍋料
$100「香煎韓豚肉片」，英文Korean Pork Thin Pancake，根本唔同意思，好在餐牌有張相，基本上英文比較準確。可惜上台碟野冇任何相片所見既配菜，只係一碟豬肉煎蛋，仲要非常老、乾，亦唔熱（煎完放係一邊等order果種），冇乜調味，亦冇任何醬料。韓式何在？同兩位本地侍應反映完，都話餐牌相片只係參考，小弟冇心情教佢地。
唔好以為標明只係參考，就點都得。都要睇差異既本質同程度，個蛋所扣起既材料係食物味道同風味既關鍵，小弟會argue咁既情況下個差異係刻意誤導。即係好似，叫個漢寶包，張相正正常常，作參考，出來冇牛肉、冇左頂果層包，得唔得？而家唔係講緊碟邊可有可冇果d點綴野！
最後同一位表面係韓國人既有禮先生再講一次（即第三次），佢先換過一個正常既版本，如果冇啲蛋上面既醃蘿蔔絲同芫荽/西洋菜，碟蛋根本食唔落口
$100「辣味餃子湯」，個湯一樣好淡，冇乜韓國風味可言，比個骨鍋辣些少，又冇落蔥。餃子做到韓式大小，充足餡料，可惜味道一般般
未有酒牌又唔講明，要自己買
員工態度，除咗位韓國先生之外，其餘都木無表情，唔算冇禮貌，但一定唔係好有禮貌又殷勤
點菜既觸控螢幕原來並非平板，固定枱一端，又細，高科技、真低能
現場所見，坐滿，不過差不多枱枱只叫一個鍋，最大鍋既$460，最多加啲菜、飯、麵，但係食打邊爐咁耐，就算只係薯仔豬骨湯所以margin大，真係唔知呢間佢哋點挨落去
最大優點係地方大，間隔闊落，他日如果執笠可以唔使點裝修就轉成高檔火鍋店
辣味土豆脊骨湯
$100
151 views
1 likes
0 comments
香煎韓豚肉片（Korean Pork Thin Omelette ）
$100
206 views
0 likes
0 comments
香煎韓豚肉片
$100
329 views
0 likes
0 comments
香煎韓豚肉片
$100
175 views
0 likes
0 comments
辣味餃子湯
$100
140 views
0 likes
0 comments
Post
