糖百府 (Closed)

有次同朋友行完街好熱出哂汗😅，諗住食下甜品涼下，就近近地去呢間糖百府。坐低想叫杯凍水，個職員話得熱水，難免有啲扣分。🙈  由於唔係繁忙時間，好快就黎左個宇治金時綿綿冰(同朋友share)。個樣就幾大幾令，食左一啖就知伏😱。  雖然做到綿綿地嘅口感，但完全無清香嘅抹茶味，反而係一種腥溫溫嘅怪味😩😩😩。我去過日本京都(近宇治市)，食過果到嘅抹茶產品(特別係雪糕)，所以知道真正嘅抹茶味係香濃而不甜膩🍵😋，令人難以忘懷，但香港唔少甜品店都做唔到接近嘅水準😔。  另外，紅豆就太甜，我估係浸過糖水，所以紅豆嘅香味都出唔到😕。而小丸子就太硬，𡁻左好耐，重痴住啲牙😲。   雖然我朋友覺得可以接受，但我對糖百府大失所望(其實唔止一次)，無下次。🙊🙊🙊