Video
Read full review
2015-05-27
1614 views
前幾日係荃灣心血來潮，同我的妹妹食放題，見OR不少好評，就上去試一試，我第一個反應就係：我地真係食緊同一間野﹖定係OR的打手真係咁多﹖想起日後會有更多志同道合的兄弟姊妹中伏，我特登開個OR account，拯救大家。時間為晚上6:15分，因為時間尚早，我地不用等便可進入，侍應安排坐係兩個大嗓門旁邊，佢地連講朋友是非我地都聽得清清楚楚，尷尬得十分非常。嘈歸嘈，如果食物好食，都可以彌補。但係……(重點來了)一拿起MENU，我塊面變左包大人，黑晒……款式(太少)刺身竟然冇甜蝦?燒物竟然冇清酒煮蜆?壽司竟然冇火脊三文魚?我食放題有一半都係為呢3樣，(甜蝦係有，不過要加60蚊，不如自已買斤蝦仲平)刺身……= = (詞窮，唔知點形容)係冇甜蝦的打擊下，我心情同食慾都已經大減，咁唯有食三文魚啦，叫左10塊三文魚(2個人叫10塊都不是好過分吧)，冇叫吞拿魚冇叫吞拿魚冇叫吞拿魚(好重要所以要講三次)，結果一大盤刺身上左台，三文魚得4塊，fine，都預左，但係我真係冇叫吞拿魚﹗仲有一大堆唔知咩刺身﹗我心諗：我冇叫你就唔好上啦，唔食咪浪費﹗定係你D刺身會循環再用?想起都嘔心。我都未講刺身盤裡的刺身全都有異味
時間為晚上6:15分，因為時間尚早，我地不用等便可進入，侍應安排坐係兩個大嗓門旁邊，佢地連講朋友是非我地都聽得清清楚楚，尷尬得十分非常。嘈歸嘈，如果食物好食，都可以彌補。但係……(重點來了)一拿起MENU，我塊面變左包大人，黑晒……
款式(太少)
刺身竟然冇甜蝦?燒物竟然冇清酒煮蜆?壽司竟然冇火脊三文魚?我食放題有一半都係為呢3樣，(甜蝦係有，不過要加60蚊，不如自已買斤蝦仲平)
刺身……= = (詞窮，唔知點形容)
係冇甜蝦的打擊下，我心情同食慾都已經大減，咁唯有食三文魚啦，叫左10塊三文魚(2個人叫10塊都不是好過分吧)，冇叫吞拿魚冇叫吞拿魚冇叫吞拿魚(好重要所以要講三次)，結果一大盤刺身上左台，三文魚得4塊，fine，都預左，但係我真係冇叫吞拿魚﹗仲有一大堆唔知咩刺身﹗我心諗：我冇叫你就唔好上啦，唔食咪浪費﹗定係你D刺身會循環再用?想起都嘔心。我都未講刺身盤裡的刺身全都有異味，見有其他食評講左，我就唔寫，因為仲有大把野講。
燒物(不過不失)
普通，不太差，但比起刺身，簡直是上了天堂
侍應 (無言)
對住佢地，真係有少少無言。所有侍應只係識執台，食到一半放左係台面，你問都唔問就幫的執走左，OK，我再點過啦唯有。
漏單 (嚴重)
漏單問題應該係每一間放題都會遇見的，但係呢間真係漏中之最。除左第一輪上得好快之外，其後每一次都漏。每一次同侍應講漏單，佢都話：好，我同你check check，我幫你收走左D野先。之後我張台就清光光……，飲品都係自己走去雪櫃拎(只有汽水)，然後…就沒有然後了，最後，我都放棄了追單，心諗，都成肚氣，仲點食?
甜品 (OK)
甜品算係最好食，不過只有兩款，1. 雪糕 2. 雪糕泡芙
總結
雖然唔貴($148+1，未加$60，只係可以食到7:30)，但相同的價錢比他好食的多的是，根本不用俾錢買難受。如果10分係滿分，我會俾-10分。呢間係我唯一一間冇加點刺身的放題，冇錯，成程我都只係食左兩件三文魚。完。
Post
