正宗上海生煎皇 (Closed)

前幾日放學午餐時間，我同朋友仔就係旺角附近度搵嘢食，見到呢間餐廳貼晒海報咁，好似好出名，啲報道亦都聲稱佢哋嘅生煎包好好味，講到好多名人都嚟幫襯咁，我哋就決定入去試一試啦，點知佢仲晒伏，唔會再有下一次幫襯既機會☹️☹️其實生煎包都唔算話難食嘅，只係其實佢都唔係新鮮煎出黎，因為我哋落左單之後唔夠5秒就已經有得食啦但呢個炸排骨菜飯真係仲晒伏，排骨超油之餘根本唔係用炸嘅方式黎做，食落係似油浸咁嘅排骨，個菜飯真係令我哋完全O晒嘴，係用白飯來做之餘，啲飯仲要好硬，啲菜感覺上都係用頭頭尾尾，放落去撈成一碗飯，完全冇食上海野既感覺☹️☹️☹️