鳴虎石頭燒 (Closed)

今日去左土瓜灣啟岸既嗚虎分店，冇諗過佢價錢唔符合食物質素都不特止，啲員工質素都非常差，尤其係金色頭髮嘅男經理，我坐低冇耐就開始聽到佢好大聲咁同啲員工傾計，專登企埋收錢個邊既位，以為啲聲啲客聽唔到，成間舖夜晚得幾個客，佢講嘢幾乎全部人都聽到，心諗乜好得閒咩，圍埋三個喺度吹水，不如睇下啲客有咩需要好過啦。再講佢哋啲嘢食，快係快上嘅，不過黎到令我覺得根本唔知食咗乜，叫佢哋招牌嘅拉麵，個湯底就好似出前一丁味粉溝出黎，又鹹又冇豬骨味，都唔明點解會有咁多好評，真係伏上加伏，咁嘅質素賣成百蚊一碗，仲要加一服務費，根本唔知啲服務去咗邊？講真佢哋咁嘅質素都可以開舖，總公司唔該檢視下個主管有冇足夠領導能力training好先俾佢落黎番工，仲有食物嘅品質同定價真係十分之有待提高，拉麵黎講我都係第一次食到一肚火！勁唔推薦大家去呢間拉麵店！