犇殿台灣火鍋 (奧海城三期)

Open Now

Now Closed

夜晚近近地搵間打邊爐食，上網睇見啲人話同牛大人質素差唔多，於是就試吓佢最簡單嘅上選安格斯牛肉套餐，叫咗個鴛鴦鍋一邊牛乳湯一邊正常麻辣，雖然一上到嚟個湯底好似幾靚仔，但係佢個麻辣就係鹹到死而且一啲辣味都冇，隔離個牛乳鍋就係牛奶溝咗水嘅湯底，一啲牛奶味都冇，呢個時候已經大失所望。醬料區同飲品區選擇唔多，正正常常。其他食評都放過唔少上就唔特別影。牛肉方面🫥🫥本身叫咗最平嗰個套餐，都唔期待啲肉有幾靚，但係呢個肉嘅質素又真係伏得滯，街市都搵唔到啲咁差既品質，啲牛一啲脂肪都冇，煮完上嚟之後差到飛起，喺口入邊化到一粒一粒咁好似落咗好多鬆肉粉🫥🫥🫥豬肉方面，呢個套餐裏面唯一可以食嘅肉，街市一般嘅梅花豬肉蔬菜方面選擇唔錯都算幾多睇落幾新鮮，但係有啲就個數好差，金針菇上面啲泥竟然冇清洗乾淨小食方面🤩嚟到台式火鍋店，最期待就係台式小食，選擇幾多有烤腸仔，滷肉飯，台灣滷味，鹽酥雞，小籠包，台式豬手，台式涼拌，炸餃子。每一樣都試勻晒，唯一可以正常食得嘅係鹽酥雞同小籠包，每次一拎出嚟就俾人搶晒。其他唔係太鹹就係太油🫥雪糕方面，抵讚👍🏻👍🏻👍🏻H牌同M牌雪糕任食，回本首選最後人手方面，樓面竟然得三個同事，門口等入座