微辣大排檔 (Closed)

二人於週日晚用膳，雖然要等十幾張飛，但好多人應該撳完飛就行開，都相當快入得。總共三樣菜：啫啫肥蠔煲 $159蠔有五隻，其他都係薑蒜，味道鹹到不堪。水蟹粥 $299叫粥佢嚟個湯俾我，米嘅份量少得可憐。蟹就當然係一小隻。窩蛋牛肉煲仔飯 $99落單時店員表明需要等40-45分鐘，ok我等。到上菜嘅時候賣相都唔錯。咦，餐牌寫窩蛋喎，佢嚟隻熟蛋俾我，飯焦多過飯。性價比極度低。味道唔可以話好難食，但非常普通。份量亦相當精緻。加埋茶錢加埋一，登記會員95折。二人用餐埋單每人都要3舊。