Mamaday Studio (Closed)

上openrice見到佐敦開咗呢間特色Cafe,一直都記住下次經過要幫襯一下。我自己也常常週圍幫襯唔同嘅Cafe, 好鐘意慢慢歎杯咖啡，食件餅或輕色。今日終於係佐敦附近做嘢，初時還擔心要排隊，2:45去到，竟然無人排隊，滿心歡喜。看咗menu一陣，第一時間問店員有什麼蛋糕，最後店員推介百爵茶芝士餅，之後想order海鹽焦糖咖啡，但賣晒，都係第一次聽咖啡会賣晒。。。於是問店員有無推介，佢介紹綠茶latte, 好！信你吧！充滿期待。拎住食品走上去，我選擇坐樓梯口，一來一個人比較好，二來比較靜。第一時喝一口latte, 點解唔熱，以為係拉花d鮮奶凍，再飲多幾口都只係微温。。。味道真的完全不合格，綠茶味極淡，一路飲落去，就只飲到奶味，簡單d形容就係鮮奶溝少量綠茶粉。到蛋糕了，比起其他cafe細件，味道係ok, 但質地似係溶了一樣，面層還溶到出液體狀。。。。所有mood都無哂，食物飲品完全不合格！由order都離開都只係15分鐘，連打卡也無心機，我都未試過去一間cafe会15分鐘離開的。。。如果店主看到此食評，希望你可以用心做好一點，不是每個人也只為打卡的，食品質數也很重要的！