BRICK LANE Deli (Closed)

之前去過尖沙咀Brick lane食過覺得唔錯，所以朋友問我食咩個陣 就想試吓沙田呢間。新城市入面假日晚市咁快有位嘅餐廳好少有，不過食完就明晒點解。朋友同我都叫左C1 流心蛋芝士煙肉意大利麵 跟湯同野飲前菜湯同沙律先上。沙律不過不失。湯就唔掂了，飲到粉粉地口感，而且淡而無味，如果上面唔係有粟米同蘑菇，我真係飲唔出係咩湯。呢個意粉中文名雖然冇寫，但英文名其實寫住spaghetti carbonara ，所以我地expect佢係卡邦尼黎。但係食落口唔好講卡邦尼，連白汁味都冇，又係淡而無味。再者煙肉食落好似火腿咁，上面條配菜（唔肯定係咪芽菜）好生，味道唔夾個意粉。另外仲叫左個豬肋骨，呢個味道反而唔錯，醬汁幾惹味。配菜薯仔ok好食。整體黎講非常唔推薦。員工服務好一般，而且食物質素對唔住個價錢。同區實在有太多更好嘅選擇。