翔龍拉麵小籠包 (Closed)

同朋友去愉景新城買完野，見到間間餐廳都好多人等位，得返呢間人少少就諗住試下...2人檯等三張諗住好快但點都估唔到反而要一個鐘囉😖！一坐低淨係覺得好嘈，可能因為樓底矮而且好多細路仔，加上啲侍應勁粗魯放啲碗碗碟碟勁大聲😅，連落單都要repeat左三次😑😑😑。不過好彩落完單啲嘢食勁快就到但係就唔夠熱囉...食上海野必點小籠包，明明menu 幅圖有六粒但上到黎得返四粒，有少少覺得俾人呃咗😒😒😒。而且可能因為晚巿關係，廚房一早蒸定，成粒啪落口都唔覺得熱😅。不過繁忙時間都無得要求啲咩了🤷🏻‍♀️另外叫左翔龍招牌炒飯，讚位啲飯炒得粒粒分明，但係得蝦BB同埋有胭脂蟲嘅蟹柳😂😂😂，價值＄88有啲貴...而且份量2個女仔食應該都爭少少😕...干貝賽螃蟹真心唔推介🙄，說好的干貝呢！😭😭，$88💸💸而且人地加魚係為咗增加口感，但佢啲龍脷柳碎好勁雪藏味，加左醋都食到😖😖😖，畫蛇添足放棄！另外仲有一碟回鍋肉炒年糕，個醬不過不失但年糕同糊仔無分別，咬落1 pat而且豬腩肉煮太耐太硬🤢。總括黎講，以呢個質素價錢偏貴，份量偏少，失望...