Video
Read full review
2019-12-06
2182 views
首先， 呢間絕對唔係一間坐得舒服的餐廳， 一張摺枱，兩張硬板凳， 一張好簡單的手寫點單紙。 入到去， 8點10左右， 落單叫左1. 兩隻帶子（小食）2. 6安士薄牛扒配紅酒汁3. 半隻農家燒雞 配 （牛肝菌汁， 疑似老闆娘話推介，話配咩食都好食）4. 有機提子汁5. 雜菜牛肉湯好快提子汁就上左， 好甜， 利賓納味。但係碗湯仲未有， 咁等多左10分鐘左右，我就問個女店員， 碗湯有未？ 因為間舖好細，所以疑似老闆娘聽到就即應「 有呀， 煮梗㗎啦，無漏單」 ， 然後1 分鐘都無，碗湯就出現了。 碗湯雖然無肉，但飲得出有牛味， 而且菜都多， 所以值得一讚。 之後， 佢一直出菜，但 一直都未到我哋， 咁等左40分鐘左右， 大概8點50分， 問咗問疑似老闆娘幾時有， 都係嗰句， 間舖好細， 係廚房唯一的廚師/老闆就應「下張單就係，5 分鐘有， 唔好再催單， 唔答啦！」我哋好無言， 等左40分鐘， 問咗一次個進度，都好正常啫？！但佢嗰態度可以咁😥然後差不多9點， 終於出左個燒雞， 附上一粒小食帶子，無錯，帶子唔係分開上， 係同主食一齊上，粒帶子唔係好似我想像咁煎， 而係好似炸咁樣， 帶子的大細好似一
入到去， 8點10左右， 落單叫左
1. 兩隻帶子（小食）
2. 6安士薄牛扒配紅酒汁
3. 半隻農家燒雞 配 （牛肝菌汁， 疑似老闆娘話推介，話配咩食都好食）
4. 有機提子汁
5. 雜菜牛肉湯
好快提子汁就上左， 好甜， 利賓納味。
但係碗湯仲未有， 咁等多左10分鐘左右，我就問個女店員， 碗湯有未？ 因為間舖好細，所以疑似老闆娘聽到就即應「 有呀， 煮梗㗎啦，無漏單」 ， 然後1 分鐘都無，碗湯就出現了。 碗湯雖然無肉，但飲得出有牛味， 而且菜都多， 所以值得一讚。
之後， 佢一直出菜，但 一直都未到我哋， 咁等左40分鐘左右， 大概8點50分， 問咗問疑似老闆娘幾時有， 都係嗰句， 間舖好細， 係廚房唯一的廚師/老闆就應「下張單就係，5 分鐘有， 唔好再催單， 唔答啦！」
我哋好無言， 等左40分鐘， 問咗一次個進度，都好正常啫？！但佢嗰態度可以咁😥
然後差不多9點， 終於出左個燒雞， 附上一粒小食帶子，無錯，帶子唔係分開上， 係同主食一齊上，粒帶子唔係好似我想像咁煎， 而係好似炸咁樣， 帶子的大細好似一蚊銀咁上下大，（ps 而女店員同我哋講話送多咗隻帶子比我， 而我係揾唔到的) 不過都唔緊要， 重要的係嗰個主食燒雞， 啲肉好鞋，煮過曬龍， 個牛肝菌汁， 鹹， cream cream 地， 唔值得加5蚊試，同埋同隻雞唔襯。
過多5 分鐘左右， 牛扒都上左， 個紅酒汁， 第一啖， 覺得唔錯，好有紅酒味， 第二啖就覺得鹹， 之後就好鹹好鹹。 個牛扒好um , 完全咬唔開。
唯一可讚的係d 意粉🍝好正常，無發脹曬😭
連續兩晚中伏😖😖😖
Post
