墾丁茶房 (Closed)

肚餓諗住唔洗等就入去，叫左2個湯鍋+ 鹽酥雞，2杯無糖豆漿。同一個人送咗兩杯豆漿黎，但其中一杯水位相差甚遠，就好似俾人飲咗一口唔啱退貨.... 即時同個侍應反映，”嘩，乜差咁遠？好似俾人飲咗啖咁嘅” 唔知佢扮聽唔到定真係聽緊同事講嘢，直接無視走咗去。朋友為息事寧人，費事退返去飲品俾人加料，話算數。鹽酥雞送黎即食，唔脆嘅炸粉厚，味道真係一般... 豪大好食過佢... 兩個鍋，花膠雲腿雞鍋係抵食嘅，有成半隻雞，只係湯略嫌鹹咗啲，而配搭嘅菜飯無味嘅。另一個胡椒炸蒜薑片雞柳蜆鍋，價錢相若，雞柳欠奉，只係見到3,4隻細蜆，剩低全部薑片同3粒炸蒜... 得胡椒味，性價比低。CS方面，上菜之前，唔小心倒瀉浸餐具嘅水杯，侍應聽到睇到，都冇理過，繼續默默企埋一邊。