hōmu by favilla (Closed)

今日同閨蜜黎到荃灣行街，行完就黎佐愉景新城呢間餐廳食飯，呢度既裝修都係用木傢俬為主，成個感覺好休閑好舒服😌白咖喱吉列黑豚肉定食配是日餐湯🍱一上枱就完全被吸引，一大盤分好沙律、湯、主菜、白飯同生果，擺得好靚📸重點吉列豬扒好出色，切好一舊舊，炸得金黃香脆，黑豚肉好嫩，完全無炸到過火，點埋白咖喱黎食仲香，撈飯食一流呀！慢煮封門牛柳定食配是日餐湯🍱呢個定食都係有齊沙律、湯、主菜、白飯同生果，全部都好出色！主角封門柳真係不得了，煮得岩岩熟，粉嫩既牛肉好軟腍，牛味好濃，少少燒汁令牛肉更香，好食到爆！是日餐湯（煙肉紫薯忌廉湯）🫕呢個餐湯真係出色到特登要講一講，估唔到紫薯做湯會係咁綿滑咁香，有埋煙肉，咸咸甜甜，味道出奇地夾，忌廉令湯更滑，超好飲！Strawberry Green Tea🍵茶杯用木盒仔裝住，好得意，綠茶好香，士多啤梨味唔會太濃，亦唔會令綠茶過甜，好好飲！