Burgerman (欽州街) (Closed)

前幾日，同朋友去行深水埗，去左食burger man，之前係大角咀都食過，覺得都唔錯，而且選擇都幾多，所以就再次去食了，我揀左食燒大菇漢堡，再加餐食田園沙律和coke zero ，而朋友便揀了食茄汁大蝦意粉。漢堡都幾大個，表面有啲芝麻，而且麵包會烘底，造成外脆內軟的效果，而燒大菇燒完之後都非常juice，好多汁流出來，啱晒間唔中唔想食肉又想食burger的朋友。至於田園沙律都真係好大盒，加左啲黑醋和橄欖油，簡簡單單的沙律都一樣可以好好食。朋友的茄汁大蝦意粉茄汁味好濃，而且會細心幫你撈匀，令每一條意粉都可以充滿茄汁，而且蝦真係好大隻，所以是一個不錯的選擇。