名館 (Closed)

話說前排同男朋友去銅鑼灣Hysan買嘢，見天氣咁熱都唔想再出外面搵食🥵所以就直接上咗Hysan睇下有乜選擇！之後見呢間名館有Tea time幾抵食，同埋好似坐得幾舒服就入左去嚕‼️😆因為唔算好餓，所以就叫左 2 個點心Tea Set‼️先嚟咗呢個 ✨鑊仔生煎蓮藕餅✨呢個非常推薦‼️食落唔油膩，入面爽爽地幾好食😋✨銀湖天鵝酥🦢呢個原來係甜食嚟，入面應該係紫薯🍠其實都幾好食嘅，不過食一舊已經覺得有啲漏😣✨懷舊鵪鶉蛋燒賣✨不過不失啦，正正常常都好食嘅👍🏻(好普通，無影相)✨香煎黃金小米糕✨呢個小米糕都係甜食嚟，但又唔會太甜，感覺有啲似實淨少少嘅馬拉糕，都唔錯👍🏻