LOF10 Bistro (Closed)

放假去灣仔搵朋友食下午茶，朋友介紹呢間可以食All Day Breakfast同文青咖啡既餐廳。個環境唔錯，好有情調。餐廳有空間感，座位舒適。由於我哋未食lunch, 所以同朋友叫左3個Main, 一人一杯咖啡。玫瑰咖啡 （熱）$38：有拉花，咖啡味濃郁，玫瑰花香味突出，賣相都唔錯，打卡一流。朱古力咖啡（凍）$42：有朱古力味，冰感咖啡正常發揮。意式黑椒牛肉班尼尼配薯餅 $58 班尼尼大大份，黑椒牛肉味道唔錯，有少少芝士。薯餅煎得好好食，夠脆。All Day Breakfast $108 茄汁豆、粟米、腸仔、煙肉、沙律、薯餅，仲有炒蛋。食物質素好，沙律菜夠新鮮，黑醋汁好清甜抵讚。腸仔好食夠香。煙三文魚蛋沙律牛角包配薯餅 $48味道搭配得好好，牛角包鬆脆好食食物賣相一流，打卡之選。