Video
Read full review
2023-01-17
85 views
老友鐘意食德福茶木嘅糖心蛋，話真係天下無敵。趁她生日，我請佢去食late lunch。我哋决定盡情享受，除左糖心蛋，還叫咗鳳梨鮮果甜酸肉、軟殼蟹龍蝦汁手作麵、櫻花蝦花枝餅、紅油抄手、黑麻油雞翅和熱嘅佛手柑水果茶。甜酸肉嘅肉質鬆化，除咗菠蘿，仲有火龍果、士多啤梨、荔枝同埋藍莓，配搭一絕，健康又清新。軟殼蟹兩大件好厚肉，炸得鬆化，龍蝦汁惹味香濃，足夠掛滿每條彈牙嘅麵條，呢個配搭有驚喜。花枝餅好厚身，彈牙味鮮，食到想encore。紅油抄手，一碟八粒，擺碟靚，皮煙韌，餡料爆汁，加埋辣油同蒜蓉更好味。黑麻油雞翅d汁甜甜地，味道有d似瑞士雞翼，但帶有黑麻油嘅香味。糖心蛋個蛋黃係橙紅色，似流動既岩漿，係杰身嘅，蛋白係熟嘅，但係好柔軟，一啖食落去蛋黃同蛋白溶係口裏面，真係好出色。熱佛手柑水果茶飲落d柑味幾重，有少少苦澀味，又有少少似柚子茶，但夾雜左水果嘅香氣，係清新健康嘅選擇。呢餐我哋食得好悠閒，這店環境清靜，坐位寬敞，我同朋友食得傾得好開心。呢度嘅菜式同埋飲品選項真係好多，出品有質素，服務好，會再光顧。
我哋决定盡情享受，除左糖心蛋，還叫咗鳳梨鮮果甜酸肉、軟殼蟹龍蝦汁手作麵、櫻花蝦花枝餅、紅油抄手、黑麻油雞翅和熱嘅佛手柑水果茶。
甜酸肉嘅肉質鬆化，除咗菠蘿，仲有火龍果、士多啤梨、荔枝同埋藍莓，配搭一絕，健康又清新。
軟殼蟹兩大件好厚肉，炸得鬆化，龍蝦汁惹味香濃，足夠掛滿每條彈牙嘅麵條，呢個配搭有驚喜。
花枝餅好厚身，彈牙味鮮，食到想encore。
紅油抄手，一碟八粒，擺碟靚，皮煙韌，餡料爆汁，加埋辣油同蒜蓉更好味。
黑麻油雞翅d汁甜甜地，味道有d似瑞士雞翼，但帶有黑麻油嘅香味。
糖心蛋個蛋黃係橙紅色，似流動既岩漿，係杰身嘅，蛋白係熟嘅，但係好柔軟，一啖食落去蛋黃同蛋白溶係口裏面，真係好出色。
熱佛手柑水果茶飲落d柑味幾重，有少少苦澀味，又有少少似柚子茶，但夾雜左水果嘅香氣，係清新健康嘅選擇。
呢餐我哋食得好悠閒，這店環境清靜，坐位寬敞，我同朋友食得傾得好開心。
呢度嘅菜式同埋飲品選項真係好多，出品有質素，服務好，會再光顧。
Post
