Epoch Bistro

Open Now

Now Closed

以前帶過朋友既柴柴係隔離做沖涼美容，個時經過都見到依頭多餐廳～今日終於有機會嚟食下其中一間🌟依間既裝修格局都好chill，坐位夠闊落♥️最吸引係個石燒牛🌟洋蔥圈同魷魚圈同樣脆得香脆♥️係朋友聚會吹水必不可少既兩款小食🌟做廚既朋友表示依個雞翼做得唔錯♥️個汁唔會杰撻撻🌟而且蜜糖甜味同芥末辛味既比例好好，入口先食到芥末味慢慢再出現蜜糖嘅甜味♥️我個人對單骨雞翼既安排都十分滿意🌟食得方便又唔易污糟♥️雞翼炸得夠香脆，上粉夠薄，脆但唔粉🌟意粉有驚喜🌟夠辣夠惹味♥️蜆仔咪睇佢唔大隻但隻隻都好入味，意粉軟硬適中，深得我心♥️全晚最期待既石燒牛🌟轉左套餐有飯有野飲～本身跟左牛油、蒜蓉、燒汁供客人自行調配，阿婆重口味當然全部落晒🤭牛油蒜蓉係牛扒嘅好朋友，一齊煎最香♥️燒汁最後落，本身會怕太鹹，好彩擔心嘅事情並無發生😂牛板腱口感爽脆，中間脆筋嘅位置最好味～肉味香，加埋配料醬汁味道更濃🌟配飯一流♥️