The Pantry Cafe

Open Now

Now Closed

餐廳最近喺新都會開咗新分店，以木系為主調，座位闊落，令人感覺舒適。食物方面除咗招牌嘅疏乎厘、漢堡等西式料理之外更加入多款特色薄餅同主食，價格親民，適合聚餐。前菜有凱撒沙律，配料豐富，五顏六色，有齊煙肉、麵包粒、小蕃茄、Parmesan 芝士、羅馬生菜，再混合沙律醬汁，整體搭配清新，帶咬口，健康又有營養，令人胃口大開。私心推介脆炸雞胸窩夫，份量十足，一上枱時真係嚇親，上面放上兩大塊炸至酥脆可口嘅雞，雞胸難得唔乾柴，而且勝在炸粉夠薄，食落都唔覺得油膩、窩夫偏清淡，搭配蜜糖芥茉醬啱啱好。另外有紅酒燴牛肉，有大有細，醬汁偏鹹，牛肉煮至入味，旁邊伴上薯蓉同酸種麵包，中西合璧都幾特別。主食有奇尊蝦肉芝士蒜香意粉，建議趁早食唔係嘅話會變乾，麵條Q彈幾掛汁。