Dabyida Restaurant and Bar (Closed)

星期六係難得既假期，咁岩又唔洗番工番學，緊係同男朋友拍下拖去下好野食啦。之前見到dabyida有個baunch好吸引，所以係前一日已經book左位決定去試下菜喇。入到去之後細心睇下個環境其實真係唔錯，鋪位唔算好大，但係反而比較感覺到低調呢兩個字。坐低左之後入面既侍應就比左份menu比我睇，由於我同男朋友比較中意据牛扒，所以我地好快就揀左兩份碳燒肉眼牛扒配紅酒牛油。落完單係主菜上之前，當然唔可以錯過係出面bar既美食啦！我同男朋友出左去拎左兩轉野食之後坐多一陣，牛扒就上得喇。一望落去已經覺得好吸引，咬落有肉汁滲透出黎，食落口肉質好鮮嫩，仲有一陣淡淡既碳燒味。真係好好食，完全無令我失望。食完個主菜，侍應都幫我落埋餐後飲之後，身為女士既我就緊係進攻甜品啦！但係由於我去食既時間都比較晏，餐廳三點開始就收緊bar枱既食物。出面只係得番少少馬卡龍，好彩我一入黎都有影都甜品架既相。但係餐廳既服務都好好，當我問店員仲有無甜品既時候佢都幫我拎番我想食既野出黎。所以我係每一樣點左一份同男朋友share番黎食。不過可惜馬卡龍我就認為太甜喇。